ಭೂರಮೆ: 20/12/09

22 Dec 2009

ಅಳಲು

ಬೇಕಿರಲಿಲ್ಲ ವ್ಯಕ್ತಿತ್ವ ವಿಕಸನದ ಬಗ್ಗೆ ನಿನ್ನ

ದೀರ್ಘ ಭಾಷಣ

ಕೈಹಿಡಿದೊಮ್ಮೆ ಪ್ರೀತಿಯಿಂದ ಹೇಳಿದ್ದರೆ ಸಾಕಿತ್ತು

"ನೀನೆನ್ನ ಜೀವ ಪ್ರಿಯೆ"

ಈ ನಿನ್ನ ಜೀವವೆಂದೂ ನಿರ್ಜಿವವಾಗುತ್ತಿರಲಿಲ್ಲ .

ಭೂರಮೆ

ಈ ವಿಶಾಲ ಜಗತ್ತಿನಲ್ಲಿ ಈಗ ನಮಗೆ ತಿಳಿದಿರುವಂತೆ ಜೀವಿಗಳು ವಾಸಿಸಬಲ್ಲ ಅನುಕೂಲವಿರುವುದು ನಮ್ಮ ಭೂಮಿಯಲ್ಲಿ ಮಾತ್ರ.ಸೂರ್ಯನಿಂದ ತುಂಬ ದೂರವು ಅಲ್ಲದ,ತೀರ ಹತ್ತಿರವು ಅಲ್ಲದೆ ಕಕ್ಷೆಯಲ್ಲಿ ಇರುವ ಭೂಮಿ ಅನೇಕ ಲಕ್ಷ ಜೀವಗಳ ತವರು. ಇಲ್ಲಿಯ ಸಕಲ ಚರಾಚರ ಜೀವಿಗಳು ನೆಮ್ಮದಿಯಿಂದ ಬಾಳಲು ಬೇಕಾದ ಎಲ್ಲ ಅನುಕೂಲತೆಗಳು ಈ ಭೂಮಿಯಲ್ಲಿದೆ. ಆದುದರಿಂದಲೆ ಈ ಭೂಮಿಗಿಂತ ಮಿಗಿಲಾದ ಸ್ವರ್ಗವಿಲ್ಲವೆಂದು ಹೇಳುತ್ತಾರಲ್ಲವೆ.(ಆದರೆ ಅತೀ ಬುದ್ಧಿವಂತ!! ಪ್ರಾಣಿಯೆಂದು ನಂಬಿರುವ ಮಾನವ ಉಳಿದ ಜೀವಿಗಳಿಗೆ ಭೂಮಿಯನ್ನು ನರಕಸದೃಶವಾಗಿಸಿದ್ದಾನೆಂಬುದು ಬೇರೆ ವಿಚಾರ.)