ಭೂಮಿಯ ಮೇಲಿನ ಯಶಸ್ವಿ ಜೀವಿಗಳೆಂದರೆ ಕೀಟಗಳು. ಅದು ಮರಳುಗಾಡಿರಲಿ , ಹಿಮಪ್ರದೇಶವಿರಲಿ , ಗೋರಾರಣ್ಯವಿರಲಿ ಅಥವಾ ನಮ್ಮ ನಿಮ್ಮ ಮನೆಯ ಅಡುಗೆ ಮನೆಯ ಮೂಲೆಯೇ ಆಗಿರಲಿ , ತಾವಿರುವ ಪರಿಸರದಲ್ಲೊಂದಾಗಿ ಜೀವಿಸುವ ಕಲೆ ಅವಕ್ಕೆ ಸಿದ್ದಿಸಿದೆ.
ಅನೇಕ ಕೀಟಗಳು ತಮ್ಮ ವಾಸಿಸುವ ಪ್ರದೇಶದಲ್ಲಿನ ವಸ್ತುಗಳಂತೆಯೇ ಕಾಣಿಸುವುದರಿಂದ ಅವಿರುವುದೂ ತಿಳಿಯುವುದಿಲ್ಲ .
ಕಸ ಕಡ್ದಿಗಳ ನಡುವೆ ಇರುವ ಕಡ್ಡಿ ಕೀಟ ಒಣಗಿದ ಕಡ್ಡಿಯಂತಿರುತ್ತದೆ.



ಎಲೆಗಳ ನಡುವೆ ಇರುವ ಎಲೆಕೀಟದ ದೇಹರಚನೆ ಎಲೆಯನ್ನೇ ಹೋಲುತ್ತದೆ . ಅವುಗಳ ಚಲನೆ ಕೂಡ ಎಲೆ ಗಾಳಿಗೆ ಚಲಿಸಿದಂತೆ ಕಾಣಿಸುತ್ತದೆ .

ಇಲ್ಲಿರುವ ಎಲೆ ಕೀಟ ಕರಿಬೇವಿನ ಮರದಲ್ಲಿತ್ತು . ಸಾರಿಗೆಂದು ಅದರ ಎಲೆಗಳನ್ನು ಕಿತ್ತಾಗ ಜೊತೆಗೇ ಇದೂ ನನ್ನ ಅಡುಗೇ ಮನೆ ಸೇರಿತು . ಇನ್ನು ಇವಳು ತನ್ನನ್ನೂ ಸೇರಿಸಿ ಸಾರು ಮಾಡಿದರೆ ಎಂಬ ಗಾಭರಿಯಲ್ಲಿ ಅದು ಓಡುವಾಗ ನನ್ನ ಕ್ಯಾಮರಾಕ್ಕೆ ಸೆರೆ ಸಿಕ್ಕಿತು .